Dening Niken Haidar
Wektune wis lingsir wengi,
Ning nyatane mripat iki ora
bisa turu,
kelap kelop ana centhong
Isih pingin ngrungokake
jangkrik ngerik,
Swara tekek lorek nyanyi ana dhuwur wuwung
Wektune wis lingsir wengi,
Kaya dene mutere masa
Ora krasa ning pratandhane
nyata
Mripat mulai bunar,
Rambut sinebar putih
Kulit wis ora alus
Iku ngono yen pada rumangsa
Nyatane majune jaman mung
gawe nutupi kasunyatan
Akeh nom-noman tuwa
Pipi dekik merga disulam
Irung mbangir krana operasi
Rambut putih diwerna abang
Martandani yuswa lingsir
ning kok akeh kang ora
rumangsa
Kagok07062017-2021
